Back Lewis Carroll Afrikaans Lewis Carroll AN لويس كارول Arabic لويس كارول ARZ Lewis Carroll AST Luis Kerroll Azerbaijani لوئیس کارول AZB Льюис Кэрролл Bashkir Льюіс Кэрал Byelorussian Льюіс Кэрал BE-X-OLD
Dr Lewis Carroll (* 27. Januar 1832 z Daresbury im County Cheshire; † 14. Januar 1898 z Guildford im County Surrey; äigentlig Charles Lutwidge Dodgson) isch e britische Schriftsteller us em viktorianische Zitalter, Fotigraaf, Mathematiker und Diakon gsi.
Er isch dr Autor vo de berüemte Chinderbüecher Alice im Wunderland, Alice hinter den Spiegeln (oder Alice im Spiegelland) und The Hunting of the Snark. Dangg sine Wortspiil, Logik und Fantasii het er witi Lääserkräise chönne fessle. Sini Wärk wärde as sogenannti Nonsense-Litratuur bezäichnet. Si si bis hüte bopulär bliibe und häi nit nume d Chinderlitratuur, sondern au Schriftsteller wie dr James Joyce, d Surrealiste wie dr André Breton und dr Mooler und Bildhauer Max Ernst oder dr KOgnizionswüsseschaftler Douglas R. Hofstadter beiiflusst. Dr Carroll isch au as Fotigraaf bekannt und het scho vo dr Middi vom 19. Joorhundert aa Fotigrafii as Kunst bedriibe.